پارتيانىڭ قىزمەت ورگانى — الدىمەن، ساياسي ورگان
حالىق گازەتىنىڭ شولۋشىسى
پارتيانىڭ قىزمەت ورگانى پارتيانىڭ باسشىلىعىن اتقارۋدا، پارتيا قۇرىلىسىن كۇشەيتۋدە، پارتيا ىستەرىن ىلگەرىلەتۋدە ماڭىزدى رول اتقارۋدا. جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ قىزمەت ورگانى ەرەجەسى» تاياۋدا جاريالاندى، بۇل — پارتيانىڭ باسشىلىق ٴتۇزىمى جۇيەسىن اقاۋسىزداندىرۋ، پارتيانىڭ ۇيىمدىق ٴتۇزىمى قۇرىلىسىن كۇشەيتۋدىڭ ماڭىزدى شاراسى. «ەرەجەدە» شي جينپيڭ جاڭا ٴداۋىر جۇڭگوشا سوتسياليزم يدەياسى جەتەكشى ەتىلىپ، پارتيا مەن مەملەكەت قۇرىلىمدارى رەفورماسىنىڭ جەتىستىكتەرى بەكەمدەلىپ، پارتيانىڭ قىزمەت ورگانى جونىندەگى ساياسي تالاپ اناعۇرلىم كۇشەيتىلىپ، پارتيانىڭ قىزمەت ورگانىنىڭ قۇرىلۋى مەن اينالىمى ارناعا ٴتۇسىرىلىپ، پارتيانىڭ قىزمەت ورگانى قىزمەتىن جاپپاي كۇشەيتۋدىڭ جانە ارناعا ٴتۇسىرۋدىڭ نەگىزگى بويسۇنۋ ولشەمى ايقىندالدى. پارتيانىڭ ٴار دارەجەلى قىزمەت ورگاندارى «ەرەجەنى» مۇقيات دايەكتىلەندىرىپ، تياناقتاندىرىپ، پارتيانىڭ وزەكتى قىزمەتىنە سانالى تۇردە بويسۇنىپ، قىزمەت وتەپ، ساياسي قابىلەتىن، مىندەت اتقارۋ قابىلەتىن جانە قىزمەت ورەسىن ۇزدىكسىز جوعارىلاتىپ، جاڭا جورىقتا پارتيا مەن مەملەكەت ىستەرىنىڭ دامۋىنا پارمەندى ۇيىمدىق قامتاماسىزدىق ازىرلەۋى كەرەك.
ساياسي ورگاندىق ورنىن مىقتى يگەرۋ كەرەك. پارتيانىڭ قىزمەت ورگانى پارتيا ورگانى رەتىندە، پارتيا ورتالىق كوميتەتىنىڭ، سونداي ـ اق جەرگىلىكتى ٴار دارەجەلى پارتكومداردىڭ تىكەلەي باسشىلىعىندا قىزمەت ىستەۋدە، ٴسوز جوق، تۋى ايقىن تۇردە ساياسيدى دارىپتەپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي ورگاندىق قاسيەتىن تولىق ايگىلەۋى كەرەك. «ەرەجەدەگى» تالاپ بويىنشا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاۋدى قىزمەت جاۋاپكەرشىلىگىن اتقارۋدىڭ، قىزمەت ورىستەتۋدىڭ ٴتۇبىرلى ساياسي پرينسيبى ەتىپ، پارتيا ورتالىق كوميتەتىنىڭ قولباسشىلىعىنا باتىل بويسۇنىپ، سانالى تۇردە پارتيا ورتالىق كوميتەتىنە قاراپ قاتار تۇزەپ، پارتيا ورتالىق كوميتەتىنىڭ تالاپتارىنا تۋرالانىپ ساياسي بەتالىستى مىقتاپ يگەرىپ، ساياسي ٴتارتىپ پەن ساياسي قاعيداعا قاتاڭ بويسۇنىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاۋى كەرەك. پارتيانىڭ جاسامپازدىق نازارياسىمەن ۇزدىكسىز يدەيانى بىرلىككە كەلتىرىپ، ەرىك ـ جىگەردى بىرلىككە كەلتىرىپ، ارەكەتتى بىرلىككە كەلتىرىپ، ساياسي جاقتان كەلەلى جاعدايدى يگەرۋگە، ماسەلەلەرگە تالداۋ جاساۋعا، قىزمەتتەردى ىلگەرىلەتۋگە شەبەر بولۋى كەرەك. پارتيانىڭ ساياسي قۇرىلىسىن ٴبىر تۇتاس باسشىلىققا الۋعا تاباندى بولىپ، ساياسي ورگان تانىمى تاربيەسىن ۇزدىكسىز تەرەڭدەتىپ، پارتيالى كادرلاردى ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋعا جەتەكتەپ، ”ەكىنى تۇراقتاندىرۋدىڭ“ شەشۋشى ٴمانى جونىندەگى تەرەڭ تۇسىنىكتى ”ەكىنى قورعاۋدى“ باتىل ورىنداۋداعى وسكەلەڭ سانالىلىققا جانە ٴىس جۇزىندىك ارەكەتكە شىن مانىندە اينالدىرۋى كەرەك.
ساياسي ورگاندىق قىزمەت جاۋاپكەرشىلىگىن اتقارۋ كەرەك. پارتيانىڭ قىزمەت ورگانى — پارتيا ورتالىق كوميتەتىنىڭ، سونداي ـ اق جەرگىلىكتى ٴار دارەجەلى پارتكومداردىڭ شەشىمدەرى مەن ورنالاستىرۋلارىن تياناقتاندىراتىن اتقارۋشى ورگان، فۋنكتسيالىق رولىن ويداعىداي ساۋلەلەندىرۋ ـ ساۋلەلەندىرمەۋى پارتيانىڭ نازارياسى مەن لۋشيان، باعىت ـ ساياساتتارىنىڭ دايەكتى اتقارىلۋىنا، پارتيا مەن مەملەكەت ىستەرىنىڭ دامۋىنا سايادى. «ەرەجەدە» بىلاي دەپ ايقىن بەلگىلەندى: پارتيانىڭ قىزمەت ورگانىنىڭ ماڭداي الدى قىزمەت جاۋاپكەرشىلىگى — پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن تياناقتاندىرۋ مەحانيزمىن كەمەلدەندىرىپ، پارتيا ورتالىق كوميتەتىنىڭ بۇيرىقتارىنىڭ بۇلجىماي ورىندالۋىنا شىنايى كەپىلدىك ەتۋ كەرەك. «ەرەجەنىڭ» رۋحىن تەرەڭ ٴتۇسىنىپ، ساياسي دەڭگەيدى جوعارىلاتىپ، يدەيالىق تانىمدى تەرەڭدەتىپ، ٴوز قىزمەت جاۋاپكەرشىلىگىمەن تىعىز بايلانىستىرا وتىرىپ ٴتۇزىم، مەحانيزم قامتاماسىزدىعىن كۇشەيتىپ، تياناقتاندىرۋدى يگەرۋدەگى ساياسي سانالىلىق پەن ساياسي جاۋاپكەرشىلىك ارقالاۋدى كۇشەيتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ قاز ـ قالپىندا دايەكتىلەندىرىلۋىن، تياناقتاندىرىلۋىن ىلگەرىلەتۋ كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ باسشىلىق ٴتۇزىمى جۇيەسىنە تاباندى بولىپ جانە ونى كەمەلدەندىرىپ، دەموكراتيالىق ورتالىقتاندىرۋ تۇزىمىنە تاباندى بولىپ، پارتيانىڭ باسشىلىعىن جان ـ جاقتى، جۇيەلى، جالپى تۇلعالىق تياناقتاندىرىپ، پارتيانىڭ ٴار جاقتاعى قىزمەتتەرگە باسشىلىق ەتۋ ٴتۇزىلىس ـ مەحانيزمىن كۇشەيتىپ، ٴبىر تۇتاس قاراستىلىعى بويىنشا باسشىلىق ەتۋ جانە سايكەستىرىپ باسقارۋ قىزمەت مەحانيزمىن اقاۋسىزداندىرىپ، پارتيانىڭ جالپى بەتتىك باسشىلىعىن پارتيا مەن مەملەكەت ىستەرىنىڭ ٴار سالاسىندا، ٴار جاعىندا، ٴار بۋىنىندا تياناقتاندىرۋدى ىلگەرىلەتۋ كەرەك. رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، پارتيانىڭ وزىنە ـ ٴوزى توڭكەرىس جاساۋىن ىلگەرىلەتۋدەگى ”بەستى ونان ارى تياناقتاندىرۋ“ ماڭىزدى تالابىن مۇقيات تياناقتاندىرىپ، پارتيانى جاپپاي قاتاڭ باسقارۋ قىزمەت جاۋاپكەرشىلىگىن باتىل ارقالاپ، قاتاڭ نەگىزگى اۋەنمەن، قاتاڭ رايمەن، قاتاڭ شارامەن پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانى اناعۇرلىم بەرىك، پارمەندى ەتىپ قۇرىپ شىعۋ كەرەك.
ساياسي ورگاندىق جاۋاپكەرشىلىكتى كۇشەيتۋ كەرەك. «ەرەجەدە» بىلاي دەپ ايقىن بەلگىلەندى: پارتيانىڭ قىزمەت ورگاندارى پارتكومنىڭ جاقسى اقىلشىسى، جاقسى كومەكشىسى بولۋى كەرەك. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ سىندى وزەكتى مىندەت توتەنشە اۋىر، ول پارتيانىڭ قىزمەت ورگاندارىنىڭ پارتكومنىڭ اقىلشىسى، كومەكشىسى بولۋ رولىن ونان ارى ويداعىداي ساۋلەلەندىرۋىنە اناعۇرلىم جوعارى تالاپ قويدى. وزەكتى ارقاۋ ەتۋگە، جالپى جاعدايعا قىزمەت وتەۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن، سونداي ـ اق پارتكومنىڭ قىزمەت ورنالاستىرۋلارىن تىعىز ارقاۋ ەتە وتىرىپ قىزمەتتەردى جوسپارلاپ، ىلگەرىلەتىپ، تىڭعىلىقتى تۇردە مىندەت اتقارىپ، جاۋاپكەرشىلىكتى ادا ەتىپ، وزەكتى قىزمەتكە پارمەندى قىزمەت ەتۋ كەرەك. نازاردى ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋگە شوعىرلاندىرىپ، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى، جوعارى ساپالى دامۋدى ىلگەرىلەتۋ بارىسىنداعى جاڭا جاعدايلاردى، جاڭا وزگەرىستەردى كوزدەپ، بىرەۋى ارقىلى بارىنە اسەر ەتەتىن شەشۋشى بۋىندى مىقتى يگەرىپ، پارتكومنىڭ شەشىم جاساۋىنا اناعۇرلىم ويداعىداي قىزمەت ەتۋ كەرەك. دۇرىس قىزمەت ناتيجەسى كوزقاراسىن بەرىك ورناتىپ، شەگە قاعۋ رۋحىمەن جانە شىندىققا جۇگىنىپ ناقتى ٴىس ىستەۋ ستيلىمەن قىزمەتتى تياناقتاندىرۋدى مىقتى يگەرىپ، فورماشىلدىقتان جانە تورەشىلدىكتەن باتىل ساقتانۋ كەرەك. تەكسەرۋ ـ زەرتتەۋدى كۇشەيتىپ، پارتيا ورتالىق كوميتەتى كوڭىل ٴبولىپ وتىرعان، بۇقارانىڭ شۇعىل، قيىن، ۋايىمداعان، ٴزارۋ بولعان ٴتۇيىندى، قيىن ماسەلەلەرىن ارقاۋ ەتىپ ناقتى جاعدايدى تەكسەرىپ، حالىقتىڭ ۇنىنە قۇلاق ٴتۇرىپ، ورتاعا قويىلعان وي جەلىسىنىڭ، شارالاردىڭ، ۇسىنىستاردىڭ باعىتتامالىلىققا جانە يكەمدىلىككە يە بولۋىنا مۇمكىندىك جاساپ، ناقتى، جارامدى بولۋىنا شىنايى كەپىلدىك ەتۋ كەرەك. تومەنگى شەكتە ويلاۋعا تاباندى بولىپ، ساياسي سەزگىرلىك پەن ساياسي پارىقتاۋ قابىلەتىن كۇشەيتىپ، ٴتۇرلى حاۋىپ ـ قاتەرلەردى، كومەسكى كىناراتتاردى دەر كەزىندە بايقاپ جانە پارىقتاپ، حاۋىپ ـ قاتەرلەرگە الدىن الا تۇجىرىم جاساۋدى، ودان الدىن الا ساقتاندىرۋدى، الدىن الا ٴبىر جاقتى ەتۋدى ويداعىداي ىستەپ، ساياسي حاۋىپسىزدىكتى جانە قوعامدىق كەلەلى جاعدايدىڭ ورنىقتىلىعىن پارمەندى قورعاۋ كەرەك.
(شينحۋا اگەنتتىگىنىڭ 12 ـ ايدىڭ 7 ـ كۇنى بەيجيڭنەن بەرگەن حابارى)
