گازەتىمىزدىڭ شولۋشىسى
”شينجياڭ كۇشىن“ ۇيىستىرىپ، سەلبەسىپ ساۋدانى دامىتايىق. بۇكىل رايونىمىزدا جوعارىدان تومەنگە دەيىن پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋ، تياناقتاندىرۋ قارساڭىندا 2025 ـ جىلعى شينجياڭ ساۋداگەرلەر جينالىسى اشىلدى، ەل ٴىشى ـ سىرتىنداعى شينجياڭ ساۋداگەرلەر ۋاكىلدەرى، قاتىستى سالالارداعى ايگىلى قايراتكەرلەر ٴار سالاداعى سيلى قوناقتارمەن ٴبىر ارادا باس قوسىپ، دامۋ ورايىن تىلگە تيەك ەتىپ، سەلبەستىك جاڭا تاراۋىن بىرگە اقىلداستى.
بۇل سالتاناتتى جينالىس ٴارى شينجياڭ ساۋداگەرلەر كۇشىنىڭ توپتالۋى، ونان دا ماڭىزدىسى، شينجياڭنىڭ جوعارى ساپالى دامۋىنا دەم بەرەتىن سەلبەستىك دانەكەرى، بۇل، ٴسوز جوق، قالىڭ شينجياڭ ساۋداگەرلەرىنىڭ كاسىپورىننىڭ دامۋىن مەملەكەتتىڭ جالپى جاعدايىمەن توعىستىرىپ، قۇلشىنا سوتسياليستىك وسىزاماندانعان شينجياڭ قۇرۋ جىگەرى مەن ىنتاسىن بارىنشا قاۋلاتادى.
يدەيا تۋى بەتالىسقا جەتەكشىلىك ەتىپ، ۇلى جوبا جاڭا جورىقتى باستادى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى الداعى بەس جىلداعى دامۋ جونىندە جوعارى دەڭگەيلى جوبا جانە ستراتەگيالىق جوسپار جاساپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى سيپاتتى ىلگەرىلەۋشىلىككە قول جەتكىزۋگە شىنايى كەپىلدىك ەتۋ ٴۇشىن عىلمي باعدارناما ازىرلەدى. جاڭا تاريحي باستامادا تۇرىپ، سوتسياليستىك وسىزاماندانعان شينجياڭ قۇرۋ قالىڭ شينجياڭ ساۋداگەرلەرىنىڭ كۇرەستىڭ جاڭا تاراۋىن ۇزدىكسىز جازۋىن، تيانشان الابىندا ٴوز ارتىقشىلىقتارىن ايگىلەپ، تاباندىلىقپەن ٴىس تىندىرۋىن، شارۋاشىلىق قۇرۋدىڭ كەڭ ساحناسىندا تاماشا داستاندى ۇزدىكسىز جازۋلارىن، جۇڭگو ۇلگىسىندەگى وسىزامانداندىرۋدىڭ شينجياڭ كارتيناسىن بىرگە سىزۋلارىن شۇعىل قاجەت ەتەدى.
”شينجياڭ ساۋداگەرلەرىندەگى“ ”شينجياڭ“ ەرەكشەلىگى شەكارا ٴوڭىردى باسقارۋ جالپى جاعدايىمەن، ۇلتتار ىنتىماعىن قورعاۋ مەملەكەت سۇيىسپەنشىلىگىمەن توعىسۋدا بەينەلەنەدى، مۇنداي ەرەكشەلىك شينجياڭنىڭ دامۋ تامىرىن مىقتاپ ۇستايتىن ٴورىس اشا جاڭالىق اشۋ رۋحىندا بەينەلەنەدى، مۇنداي ەرەكشەلىك بايلىق، وڭىرلىك ورىن باسىمدىعىن تياناق ەتكەن داۋىرمەن بىرگە العا باسا دامۋدا بەينەلەنەدى. قالىڭ شينجياڭ ساۋداگەرلەرى شينجياڭدا تامىر تارتىپ، بۇكىل ەلگە كوز جىبەرىپ، دۇنيە جۇزىنە بەت الىپ، بازار اشۋ بارىسىندا ەرلىكپەن ٴداۋىردىڭ الدىندا ٴجۇرىپ، دامۋدا تيپ جاڭالاۋ بارىسىندا قايراتتانا العا ۇمتىلىپ، شينجياڭنىڭ ەكونوميكالىق، قوعامدىق دامۋىنا ماڭىزدى ۇلەس قوسىپ، شينجياڭنىڭ ٴىشى ـ سىرتىنداعى فاكتورلاردىڭ اۋىسۋىن جەبەۋدە، ەل ٴىشى جانە حالىقارا سىندى قوس اينالىمعا قىزمەت وتەۋدە ماڭىزدى كوپىرلىك، دانەكەرلىك رول اتقاردى.
جاڭا دامۋ جۇلگەسىن قالىپتاستىرۋدا، جوعارى ساپالى دامۋدى ىلگەرىلەتۋدە، جۇڭگو ۇلگىسىندەگى وسىزامانداندىرۋدى ىلگەرىلەتۋدە شينجياڭ جاڭا ورايعا ٴدوپ كەلدى، جاڭا ىسكەرلىك كورسەتۋى كەرەك. بۇگىنگى شينجياڭدا ستراتەگيالىق وراي توعىسىپ، قاباتتاسىپ، دامۋ كومەسكى كۇشى ۇزدىكسىز جارىققا شىعىپ، ەسىك اشۋ اۋقىمى كۇن سايىن كۇشەيىپ، دامۋ ورتاسى ۇزدىكسىز ساپالىلانىپ، قالىڭ كاسىپورىنداردىڭ قارجى قوسىپ شارۋاشىلىقتى گۇلدەندىرۋىنە ماڭىزدى وراي سيلاپ، كەڭ ٴورىس اشتى. مەملەكەت سۇيىسپەنشىلىگىن نىعايتىپ، مەملەكەتتىڭ دامۋ جالپى جاعدايىمەن توعىسىپ، قۇلشىنا ىزدەنىس جاساپ جاڭالىق اشىپ، كاسىپورىنداردىڭ وزەكتى باسەكەلىك قۋاتىن جوعارىلاتىپ، ەسىك اشۋدى، سەلبەستىكتى كۇشەيتىپ، دامۋ كەڭىستىگىن كەڭەيتىپ، قوعامدىق جاۋاپكەرشىلىكتى اتقارىپ، قوعامعا شىنايى قارىمجى قايتارسا، قالىڭ شينجياڭ ساۋداگەرلەرى، ٴسوز جوق، سوتسياليستىك وسىزاماندانعان شينجياڭ قۇرۋعا اناعۇرلىم زور ۇلەس قوسا الادى.
شينجياڭ ساۋداگەرلەرىنە نازار اۋدارۋ، شينجياڭ ساۋداگەرلەرىن قولداۋ، شينجياڭ ساۋداگەرلەرىنە قىزمەت وتەۋ، شينجياڭ ساۋداگەرلەرىن تابىسقا جەتكىزۋ — شينجياڭداعى ٴار دارەجەلى پارتكومدار مەن ۇكىمەتتەردىڭ وتەۋگە ٴتيىستى جاۋاپكەرشىلىگى. جاقىندا اۆتونوميالى رايوننىڭ حالىقتىق شارۋاشىلىقتىڭ جوعارى ساپالى دامۋىن جەبەۋ قىزمەت ٴماجىلىسى اشىلىپ، شينجياڭنىڭ حالىقتىق شارۋاشىلىعىنىڭ باياندى، اقاۋسىز، جوعارى ساپالى دامۋىن جەبەۋ جونىندە جاڭا ورنالاستىرۋ جاسالدى، مۇنداعى ماقسات — ”حالىقتىق شارۋاشىلىقتىڭ دامۋىن اناعۇرلىم زور تەبىنمەن قولداپ، حالىقتىق كاسىپورىنداردىڭ الاڭسىز شارۋاشىلىق جۇرگىزۋىنە، الاڭسىز دامۋىنا مۇمكىندىك جاساۋ“. ٴبىز اۆتونوميالى رايوننىڭ حالىقتىق شارۋاشىلىقتىڭ جوعارى ساپالى دامۋىن جەبەۋ قىزمەتى ٴماجىلىسىنىڭ، 2025 - جىلعى شينجياڭ ساۋداگەرلەر جينالىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ەكىدەن تيتتەي دە اۋىتقىماۋعا“ تاباندى بولىپ، ”ەكى اقاۋسىزدىقتى“ جەبەپ، زاڭمەن باسقارۋ قامتاماسىزدىعىن ۇزدىكسىز كەمەلدەندىرىپ، بازار قۇرىلىسىن كۇش سالا كۇشەيتىپ، كاسىپورىندارعا تيىمدىلىك جاساۋ ساياساتىنىڭ تياناقتانۋىن كۇشەيتىپ، اكىمشىلىك قىزمەت وتەۋدى ۇزدىكسىز ساپالىلاندىرىپ، قالىڭ شينجياڭ ساۋداگەرلەرىن شينجياڭ قۇرىلىسىنا بەلسەنە ات سالىسۋعا ىنتىماقتاستىرۋىمىز، باستاۋىمىز، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم زور اقىل ـ پاراسات پەن كۇش ـ قۋات ارناۋىمىز كەرەك.
